У чэмпіянаце Гомельскай вобласці сярод мужчынскіх каманд другой лігі надзейнай апорай для Брагіна з’яўляецца дасведчаны апорны паўабаронца Цімур Туляеў. Яму 37 гадоў, але яго захапленне футболам не згасае, а, наадварот, натхняе на новыя здзяйсненні.

Нарадзіўся Цімур на Далёкім Усходзе, у Прыморскім краі Расіі, але дзяцінства і юнацтва звязаны з Брагіншчынай. Сям’я Туляевых пераехала сюды, калі хлопцу было каля 10 гадоў. Менавіта тут ён пайшоў у школу, спазнаваў свет і знайшоў любімы занятак на ўсё жыццё – футбол.

У дзяцінстве юнак спрабаваў свае сілы і ў іншых відах спорту: баскетболе і валейболе, але захапіў яго толькі футбол.

– Маім першым трэнерам быў Леанід Аляксандравіч Зуеўскі. Менавіта ён навучыў нас базавым рэчам: бачыць схемы сапернікаў, абараняць зоны і змагацца за кожны мяч, – узгадвае Цімур.

Атрымаўшы агульную сярэднюю адукацыю ў Брагінскай школе, спартсмен пачаў свой шлях у дарослае жыццё. Доўгі час ён працаваў у будаўнічай сферы, якая заўсёды яго натхняла. Магчыма, менавіта гэта дапамагло выпрацаваць характар пераможцы, які цяпер так неабходны на футбольным полі. Зараз Цімур жыве ў Рэчыцы, але Брагін для яго назаўсёды застаецца месцам сілы.

Што ж матывуе выходзіць на поле, змагацца за кожны мяч і імкнуцца да перамогі? «Любоў да футбола і прыгожыя моманты», – прызнаецца спартсмен. Яго галы, забітыя эфектнымі ўдарамі ў падзенні, запамінаюцца надоўга, выклікаючы захапленне ў балельшчыкаў. У гэтым плане ён падобны на свайго таварыша па камандзе Яўгена Сцецкага.

За сваю футбольную кар’еру Цімур згуляў мноства запамінальных матчаў. Ён выступае і ў рэчыцкай аматарскай лізе, і ў першай лізе Гомеля па футзале. Прага новых адчуванняў, імкненне да дасканаласці і пастаяннага росту – вось што рухае гэтым дасведчаным гульцом.

– Вопыту я набраўся ў рэчыцкай лізе, дзе, на мой погляд, узровень гульні мацнейшы, чым у абласным цэнтры. Мая мэта – трапіць у суперлігу па футзале, бо я ўніверсальны гулец: стаю яшчэ і на варотах. Хачу даказаць сабе, што магу дасягнуць большага, – расказывае спартсмен.

У чэмпіянаце па футболе сярод мужчынскіх каманд другой лігі ўзровень таксама аматарскі, але гэта не прымяншае яго значэння.

– Мне заўсёды хочацца новых адчуванняў, таму я хутка пагадзіўся прыняць удзел у гэтым турніры. Тут кожны паказвае, чаму навучыўся, – лічыць Цімур.

Мэта брагінчан – дасягнуць вышэйшага выніку, выйсці на новы ўзровень.

– Адметная рыса нашай каманды ў тым, што мы заўсёды спаборнічаем да канца, – адзначае спартсмен. – Менавіта байцоўскі дух, самааддача і вера ў перамогу аб’ядноўваюць гульцоў.

У камандзе пануе атмасфера ўзаемапавагі і падтрымкі.

– Мы стараемся дапамагчы адзін аднаму на полі, падказваем, падбадзёрваем. Гэта – аснова, – адзначае футбаліст.

Ёсць у Цімура і іншыя захапленні. Ён актыўна вядзе свае сацыяльныя сеткі, дзеліцца ўражаннямі ад гульняў і жыцця. А яшчэ любіць спяваць:

– З дзяцінства мяне акружала музыка. Мой бацька быў барабаншчыкам у гурце, а дома часта іграў на гітары. Акрамя таго, у мяне быў настаўнік, які развіваў мой вакал. Таму зараз, калі душа патрабуе, я спяваю.

Акрамя гэтага, Цімур – клапатлівы бацька і любячы муж.

– З дзецьмі мы часта гуляем і дома, і на вуліцы. А вечарамі можам сабрацца за настольнай гульнёй, напрыклад, «Манаполіяй». Перад кожным футбольным матчам дзеці праводзяць мяне, жадаюць перамогі. А калі вяртаюся, распытваюць, як прайшла гульня, – з цеплынёй расказвае гулец.

Самая галоўнае для Цімура – здароўе і дабрабыт яго дзяцей. Дзеля іх ён гатовы выходзіць на поле, змагацца за перамогу і падаваць прыклад.

Маладым футбалістам жа спартсмен дае мудры савет: весці здаровы лад жыцця, у першую чаргу – правільна харчавацца, гуляць зладжана, але не баяцца браць ініцыятыву на сябе, калі гэта неабходна.

МАЯК ПАЛЕССЯ

 

Лето… Нет поры года, которая бы сильнее ассоциировалась с беззаботным детством и весельем. В это время всегда хочется заниматься чем-то новым, интересным и захватывающим. И ДЮСШ Брагинского района уже не первый год предоставляет возможность своим учащимся отдохнуть в палаточном лагере на берегу Брагинки в Малейках.

Как рассказала Анастасия Сушкова, тренер-преподаватель и заместитель руководителя лагеря, сейчас там расположилась первая смена – 42 ребёнка:

– В основном приехали дети 11–13 лет, но есть и несколько ребят постарше. В этом году желающих отдохнуть в лагере больше, чем в прошлом. Это значит, что такое времяпрепровождение интересно молодому поколению.

Большое внимание уделяется вопросам безопасности. На днях сотрудники РОЧС рассказывали ребятам основные правила безопасности в лесу и на воде. Они подчеркнули: хоть лагерь и расположен на берегу реки, купаться в этом месте нельзя.

Продукты питания закупают в местном магазине потребительской кооперации.

– В основном это мясные и рыбные консервы, хлеб, макароны, овощи и фрукты, – отмечает заместитель руководителя лагеря. – Дети не жалуются, меню им нравится.

За порядком и дисциплиной в лагере следят четыре тренера детско-юношеской спортивной школы. Причём не только днём, но и ночью. Ведь в любой момент кому-то может понадобиться медицинская помощь или поддержка.

– Видно, что ребятам нравится отдыхать на природе, – говорит Анастасия Сушкова. – Это лучше, чем днями «зависать» в телефонах и компьютерах.

Уже в субботу первая смена лагеря закончится. За 9 дней, проведённых на берегу реки, ребята набираются сил, получают полезные знания и навыки. Каждый из них увлекательно проводит время со сверстниками, принимает участие в соревнованиях по футболу или волейболу, учится действовать сообща. Ребята приезжают домой отдохнувшими, более самостоятельными и повзрослевшими.

Тимофей МИХАЛЕНКО

Фото автора

МАЯК ПАЛЕССЯ

 

На мінулым тыдні брагінчане згулялі чарговы матч у рамках чэмпіянату вобласці па футболе сярод мужчынскіх каманд другой лігі. У напружанай і захапляльнай сустрэчы гаспадары поля заваявалі першую перамогу ў турніры, абыграўшы «Стралу» з Нароўлі з лікам 4:2.

Гульня пачалася дынамічна: ужо на 8-й хвіліне брагінчане парадавалі балельшчыкаў першым голам, аўтарам якога стаў Яўген Жыжэнка. Трыбуны ўзняліся ад захаплення, але эйфарыя доўжылася нядоўга. Госці хутка адрэагавалі, зраўняўшы лік, а затым і выйшлі наперад. Варта адзначыць, што мячы, што заляталі ў вароты гаспадароў, былі, мякка кажучы, не самымі складанымі, што відавочна адбілася на настроі нашых футбалістаў. На перапынак каманды сышлі з несуцяшальным для гаспадароў лікам 1:2.

У другім тайме брагінчане прадэманстрававалі больш зладжаную гульню і непахісную волю да перамогі. Пасля аналізу памылак, дапушчаных у першым тайме, землякі нібы перарадзіліся. Фартуна відавочна спрыяла гаспадарам, дазволіўшы ім тройчы паразіць вароты саперніка. У другім тайме вызначыліся Багдан Грышоў, Ягор Шынкарэнка и Сяргей Марчанка. Выніковы лік 4:2 стаў заслужанай узнагародай за праяўлены характар.

Гэта перамога прынесла землякам доўгачаканыя ачкі ў турнірную табліцу, падняўшы баявы дух і ўмацаваўшы веру ў свае сілы. Да гэтага ў актыве нашай каманды быў усяго 1 бал, зароблены за нічыю з Лоевам. «Страла» ж працягвае займаць апошні радок турнірнай табліцы, не маючы ў сваім актыве ні аднаго ачка.

– На гульню супраць Нароўлі мы настрайваліся як ніколі адказна, бо трэба было выбірацца з ніжняй часткі турнірнай табліцы. У першым тайме мы гулялі актыўна, першымі адкрылі лік, але сапернік хутка адыграўся. У перапынку Юрый Крываручка знайшоў патрэбныя словы, каб наладзіць баявы дух. У другім тайме мы пераламілі ход гульні. Каманда атакавала і абаранялася як адзіны механізм, мы адчувалі адзін аднаго на полі. Хачу адзначыць абаронцу Сяргея Марчанку, за якім я адчуваю сябе як за каменнай сцяной. Ён забіў прыгожы гол са штрафнога. Лічу, што Сяргей быў найлепшым гульцом матчу. Гуляць дома заўсёды камфортней, чым на выездзе, дома і сцены дапамагаюць. Дзякуй балельшчыкам за ўтульную атмасферу на стадыёне, – адзначыў варатар землякоў Пётр Сачанка.

Аўтар гола ў вароты Нароўлі Ягор Шынкарэнка падкрэсліў:

– У пачатку сустрэчы мы забілі першымі і крыху расслабіліся, што прывяло да двух прапушчаных галоў. Нам не хапала паразумення на полі. У другім тайме мы змянілі тактыку, адмовіліся ад доўгіх закідаў, перайшлі на гульню кароткімі пасамі нізам і перадачамі. Мы таксама пачалі актыўна прэсінгаваць абарону гасцей, не даючы ім выйсці са сваёй паловы поля. Дзякуючы сумеснай працы, добрай гульні ў пас і актыўнаму прэсінгу мы змаглі пераламаць ход гульні і перамагчы.

Нагадаем, што сёлета ў чэмпіянаце Гомельскай вобласці ўдзельнічаюць 22 каманды, падзеленыя на чатыры дывізіёны. Брагін змагаецца ў групе Б3, дзе яго сапернікамі з’яўляюцца каманды з Ельска, Хойнікаў, Лоева і Нароўлі. Гэта перамога – важны крок на шляху да дасягнення пастаўленых мэтаў.

МАЯК ПАЛЕССЯ

 

МАЯК ПАЛЕССЯ

 

На Брагіншчыне падрастаюць сапраўдныя таленты, здольныя праславіць сваю малую радзіму на ўсю краіну. Адзін з іх – 11-класнік Брагінскай сярэдняй школы Уладзіслаў Гаўрыленка, які спалучае ў сабе ўпартасць спартсмена, мэтанакіраванасць вучня і рознабаковыя інтарэсы.

У яго сям’і спорт займае асаблівае месца. Бацька, Іван Васільевіч, сам спартсмен, а старэйшы брат Кірыл, з якога Уладзіслаў бярэ прыклад, вучыцца ў ваеннай акадэміі ў Санкт-Пецярбургу.

З пятага па дзявяты клас юнак вучыўся ў профільным спартыўным класе. Менавіта там, пад кіраўніцтвам дасведчанага педагога Сяргея Музычэнкі (якога часам замяняў першы трэнер Аляксандр Стрыжонак), хлопец канчаткова вызначыўся са сваёй будучыняй.

Спартыўны шлях Уладзіслава пачаўся яшчэ ў дзіцячым садзе. З дашкольнага ўзросту і да дзявятага класа ён займаўся футболам у ДЮСШ Брагінскага раёна пад кіраўніцтвам трэнера Паўла Камагурава. А паралельна – цяжкай атлетыкай, якой прысвяціў каля двух гадоў. Яго поспехі ў гэтым відзе спорту былі настолькі значныя, што земляка нават запрашалі ў Мазырскае вучылішча алімпійскага рэзерву. Аднак з-за юнага ўзросту бацькі вырашылі пакуль не аддаваць сына ў спецыялізаваную навучальную ўстанову.

У дзясятым класе адбыўся паварот: Уладзіслаў вырашыў паспрабаваць сябе ў лёгкай атлетыцы, дзе яго трэнерамі сталі Віктар Дашук і Аляксандр Стрыжонак. Менавіта яны здолелі раскрыць патэнцыял маладога спартсмена і падрыхтаваць яго да сур’ёзных турніраў. У складзе зборнай Гомельскай вобласці ён прымаў удзел у рэспубліканскіх спаборніцтвах «Абаронца Айчыны». Вынікам упартых трэніровак і каманднага духу стала першае агульнакаманднае месца.

Каб трапіць у склад зборнай вобласці, юнаку давялося прайсці адбор. І ён з гонарам вытрымаў гэтае выпрабаванне, стаўшы адзіным прадстаўніком Брагінскага раёна ў камандзе. Зусім хутка Уладзіслава чакае яшчэ адно важнае абласное спаборніцтва па лёгкай атлетыцы, у якім ён будзе прадстаўляць ДЮСШ.

Але спорт – не адзіная сфера, якая цікавіць юнака. Акрамя лёгкай атлетыкі, ён захапляецца матацыкламі. У 10 класе атрымаў пасведчанне на права кіравання тэхнікай. У вольны час ён любіць выязджаць на рыбалку. Акрамя таго, зараз праходзіць навучанне, якое дасць магчымасць кіраваць трактарам.

У летні перыяд Уладзіслаў не сядзіць склаўшы рукі. Працуе ў студэнцкіх атрадах або на прадпрыемствах раёна, каб зарабіць уласныя грошы і даказаць сваю самастойнасць і мэтанакіраванасць. Разумее, што праца – аснова дабрабыту і поспеху.

Настаўнікі, заўважаючы пос-пехі Уладзіслава ў спорце і яго імкненне да ведаў, усяляк падтрымліваюць яго. Яны ідуць яму насустрач, дапамагаюць сумяшчаць вучобу і трэніроўкі, ствараюць спрыяльныя ўмовы для яго развіцця. Любімым прадметам юнака з’яўляецца, вядома ж, фізкультура.

– Хачу выказаць вялікую падзяку сваім трэнерам – Віктару Дашуку і Аляксандру Стрыжонку за іх падтрымку, веды, веру і неацэнны ўклад у мае спартыўныя дасягненні, – кажа Уладзіслаў.

Сёлета юнака чакае новы этап у жыцці: ён – выпускнік. З будучай прафесій малады чалавек ужо вызначыўся, і звязана яна будзе менавіта са спортам. Ён ужо прайшоў першы этап выпрабаванняў да сваёй мэты. Засталося здаць ЦЭ і чакаць вынікаў.

МАЯК ПАЛЕССЯ

 

Падтрымка маладых спецыялістаў – залог будучыні любой прафесіі. У бягучым навучальным годзе ў Вуглоўскай сярэдняй школе пачала працаваць Вікторыя Лачугіна, настаўніца фізічнай культуры і здароўя.

У школьныя гады, дзякуючы настаўніку Буркоўскай СШ Аляксандру Семенчуку, Вікторыя захапілася спортам і пачала ўдзельнічаць у раённых і абласных спаборніцтвах. Асабліва ёй запомніліся лыжныя гонкі ў Гомелі, у якіх яна заняла першае месца.

Ужо ў сёмым класе Вікторыя цвёрда вырашыла звязаць сваё жыццё са спортам. Пасля заканчэння Буркоўскай школы яна паступіла ў Гомельскі дзяржаўны ўніверсітэт ім. Ф. Скарыны і атрымала спецыяльнасць «Трэнер па лёгкай атлетыцы (настаўнік фізічнай культуры і здароўя)». Каб вярнуцца на Брагіншчыну, Вікторыя ўзяла мэтавае накіраванне.

У Вуглоўскай школе малады спецыяліст хутка адаптавалася.

– Заўважыла, што дзецям 5 і 6 класаў больш падабаюцца рухомыя гульні, таму імкнулся кожны раз зацікаўліваць чымсьці новым. А старшакласнікі больш самастойныя і самі ведаюць, чаго хочуць ад урока, – падкрэслівае Вікторыя Уладзіміраўна.

І поспехі ўжо ёсць! Яе вучаніца Карына Манецкая заняла першае месца на абласных спаборніцтвах па мнагабор’і «Здароўе».

У вольны час Вікторыя любіць маляваць або размалёўваць карціны па нумарах, што дапамагае ёй адпачыць.

МАЯК ПАЛЕССЯ

 

МАЯК ПАЛЕССЯ

 

Прабег прысвечаны памяці ахвяр чарнобыльскай катастрофы. Ён аб’ядноўвае спартсменаў з розных краін.

За сваю 20-гадовую гісторыю прабег ператварыўся з лакальнага спаборніцтва ў маштабнае мерапрыемства, якое збірае ўдзельнікаў з Беларусі, Украіны, Расіі, Германіі, Грузіі, Казахстана і іншых краін. У розныя гады на брагінскую зямлю прыязджалі вядомыя беларускія лёгкаатлеты, члены нацыянальнай зборнай. У тым ліку Ілля Карнавухаў, Сяргей Краўчэня, Вольга Немагай, для якіх прабег стаў выдатнай магчымасцю праверыць свае сілы і падтрымаць важную ініцыятыву.

Унікальнасць «Брагінскай дзясяткі» ў яе даступнасці для ўсіх жадаючых, незалежна ад узросту і ўзроўню падрыхтоўкі. У праграме прадугледжаны дыстанцыі для самых маленькіх (60 метраў – для выхаванцаў дзіцячых садкоў) і для вопытных бегуноў (10 км – для розных узроставых катэгорый, пачынаючы з 14 гадоў). Таксама будуць забегі на 1 км (дзяўчынкі да 12 гадоў) і 2 км (хлопчыкі да 12 гадоў).

Што чакае ўдзельнікаў і гледачоў сёлета?

10.00 – мітынг, прысвечаны трагічнай даце – 39-й гадавіне з дня аварыі на Чарнобыльскай АЭС, каля помніка Васілю Ігнаценку;

11.00 – урачыстае адкрыццё мерапрыемства (пасля забегу дашкольнікаў);

11.30 – агульны старт на плошчы Леніна (для гледачоў будзе арганізавана спецыяльная зона з відам на старт і фініш).

– Пераможцы і прызёры ў кожнай узроставай групе, як і раней, будуць узнагароджаны грашовымі прызамі, медалямі і дыпломамі, – падкрэсліў дырэктар ДЮСШ Брагінскага раёна Уладзімір Корхаў. – У гэты дзень без увагі не застанецца ні адзін удзельнік – усе, хто фінішыруюць, атрымаюць памятныя медалі.

Важна:

Удзельнікі прабегу ва ўзросце ад 18 да 69 гадоў павінны папярэдне аплаціць стартавы ўзнос – 20 рублёў (для дыстанцыі 10 км). Зрабіць гэта можна да 25 красавіка праз грамадскае аб’яднанне «Беларуская федэрацыя лёгкай атлетыкі»: BY35 MMBN 3015 0000 0101 0119 7344 у ААТ «Банк Дабрабыт», БІК MMBNBY22, УНП 100141126. Або 26 красавіка праз установу «Дзіцяча-юнацкая спартыўная школа Брагінскага раёна» BY90 AKBB 3642 9000 0306 0300 0000 ААТ «АСБ Беларусбанк», БІК АКВВВY2Х, УНП 400487091.

Заяўкі на ўдзел у лёгкаатлетычным прабегу накіроўваюцца ў электроннай форме на сайт ГА «БФЛА» – runin.by па 25 красавіка па адрасе: 220030, г. Мінск, вул. Кірава, 46 (корп. 6), каб. 708, тэл: +375293076829, e-mail: runin.by@bfla.eu.

У дзень забегу прыём заявак заканчваецца за 10 хвілін да старту.

Рэгістрацыя ўдзельнікаў будзе праходзіць з 8.30 да 11.20 на плошчы Леніна ў Брагіне. У выпадку неспрыяльных умоў надвор’я – у Брагінскім РДК (пл. Леніна).

«Брагінская дзясятка» аб’ядноўвае людзей розных узростаў і нацыянальнасцей. Яна стала сімвалам мужнасці, памяці і імкнення да здаровай будучыні. Запрашаем усіх жадаючых далучыцца. Чакаем вас на старце!

МАЯК ПАЛЕССЯ

 

Заместитель председателя Брагинского райисполкома Роман Тесленок и главный государственный санитарный врач Брагинского района Светлана Шкурко приняли участие в 30-м Международном медицинском форуме «Здравоохранение Беларуси-2025».

В рамках форума состоялся республиканский семинар «Современные подходы к созданию здоровьесберегающей среды для сохранения и укрепления здоровья», во время которого подведены итоги республиканского конкурса на лучшее информационное сопровождение государственного профилактического проекта «Здоровые города и посёлки».

Для участия в конкурсе были представлены материалы от 109 органов управления населённых пунктов и административно-территориальных единиц Беларуси.

Брагин занял третье место среди населённых пунктов с численностью жителей от 2 001 до 5 000 человек.

------------
Места среди населённых пунктов с численностью жителей от 2 001 до 5 000 человек распределились следующим образом:

I место – аг. Криничный Мозырского района Гомельской области.

II место – г.п. Городище Барановичского района Брестской области.

III место – г.п. Брагин, Гомельская область.